മലപ്പുറം : എസ്എസ്എഫ് ജില്ലാതലങ്ങളിൽ രൂപീകരിച്ച ഹയർസെക്കൻഡറി വിദ്യാർത്ഥികളുടെ കൂട്ടായ്മയായ ഡികോർ ടീം അംഗങ്ങളുടെ സംസ്ഥാനതല സംഗമം മലപ്പുറം മഅ്ദിൻ അക്കാദമിയിൽ തുടക്കമായി.സംസ്ഥാന പ്രസിഡണ്ട് സയ്യിദ് മുനീറുൽ അഹ്ദൽ പ്രോഗ്രാം ഉദ്ഘാടനം ചെയ്തു. വിവിധ സെഷനുകളിലായി ഡോക്ടർ ടി അബൂബക്കർ, മുഹമ്മദ് അനസ് അമാനി,സാബിർ സഖാഫി, സി എ അഹമ്മദ് റാസി, സി എം എ റാഫി , മുഹമ്മദ് ഹാദി കെ, അബ്ദുൽ ഹഫീള് അഹ്സനി, ഇല്യാസ് സഖാഫി കൂമണ്ണ, എസ് ഷമീർ കൊല്ലം തുടങ്ങിയവർ വിദ്യാർത്ഥികളുമായി സംവദിക്കും. ഫിനാൻഷ്യൽ പ്ലാൻ, സങ്കീർണതകളില്ലാത്ത ഇസ്ലാമിക ജീവിതം, എ ഐ ടൂൾസ്, ആദർശം, കരിയർ തുടങ്ങിയ വൈവിധ്യമാർന്ന സെഷനുകളാണ് നടക്കുന്നത്. വിവിധ ജില്ലകളിൽ നിന്നായി 350 ഡി കോർ അംഗങ്ങളാണ് പ്രോഗ്രാമിൽ പങ്കെടുക്കുന്നത്.
ഫോട്ടോ: എസ് എസ് എഫ് ഡി കോർ അംഗങ്ങളുടെ സംസ്ഥാന തല സംഗമം എസ് എസ് എഫ് സംസ്ഥാന പ്രസിഡന്റ് സയ്യിദ് മുനീറുൽ അഹ്ദൽ ഉദ്ഘാടനം ചെയ്യുന്നു
