എസ് എസ് എഫ് കേരള സാഹിത്യോത്സവ്: സ്വാഗതസംഘം ഓഫീസ് ഉദ്ഘാടനം ചെയ്തു

​കായംകുളം: ജൂലൈ 20 മുതൽ 26 വരെ കായംകുളത്ത് നടക്കുന്ന എസ് എസ് എഫ് 33-ാമത് കേരള സാഹിത്യോത്സവിന്റെ സ്വാഗതസംഘം ഓഫീസ് തുറന്നു. കായംകുളം മുനിസിപ്പൽ ചെയർമാൻ ശരത് ലാൽ ഉദ്ഘാടനം നിർവഹിച്ചു. എസ് വൈ എസ് സംസ്ഥാന വൈസ് പ്രസിഡന്റ് ഡോ. മുഹമ്മദ് ഫാറൂഖ് നഈമി മുഖ്യപ്രഭാഷണം നടത്തി. സമസ്ത കേന്ദ്ര മുശാവറ അംഗം എ ത്വാഹാ മുസ്‌ലിയാർ പ്രാർഥന നിർവഹിച്ചു. ജംഇയ്യത്തുൽ ഉലമ ആലപ്പുഴ ജില്ലാ സെക്രട്ടറി അബ്ദുർറഹീം സഖാഫി ചടങ്ങിൽ അധ്യക്ഷത വഹിച്ചു.​കായംകുളം മുനിസിപ്പൽ കൗൺസിലർ അസീം നാസർ, കേരള മുസ്‌ലിം ജമാഅത്ത് ജില്ലാ ജനറൽ സെക്രട്ടറി അബ്ദുൽ റഷീദ് കരുമാടി, എസ് എസ് എഫ് സംസ്ഥാന സെക്രട്ടറി മുനവ്വറലി അമാനി, കേരള മുസ്‌ലിം ജമാഅത്ത് കായംകുളം സോൺ പ്രസിഡന്റ് നിസാർ സഖാഫി തുടങ്ങിയവർ പ്രസംഗിച്ചു. സ്വാഗതസംഘം ജനറൽ കൺവീനർ ജുനൈദ് എം എസ് സ്വാഗതം പറഞ്ഞു. എസ് എസ് എഫ് ജില്ലാ ജനറൽ സെക്രട്ടറി വി എ മുഹമ്മദ്‌ മുബാറക്ക് നന്ദി പറഞ്ഞു ചിത്രം : എസ് എസ് എഫ് സംസ്ഥാന സാഹിത്യോത്സവ് സ്വാഗതസംഘം ഓഫീസ് കായംകുളം മുനിസിപ്പൽ ചെയർമാൻ ശരത്ത് ലാൽ ഉദ്ഘാടനം ചെയ്യുന്നു.