statessf@gmail.com   +91-495 272104, +91-495 4010991

സാഹിത്യോത്സവ്

24 വര്‍ഷമായി എസ് എസ് എഫിനു കീഴില്‍ സാഹിത്യോത്സവ് നടന്നുവരുന്നു. യൂനിറ്റ്, സെക്ടര്‍, ഡിവിഷന്‍, ജില്ല, സംസ്ഥാനം എന്നീ ഘടകങ്ങളിലായി കേരളത്തിലെ മുഴുവന്‍ ജില്ലകളിലും മത്സരങ്ങള്‍ നടക്കുന്നു. നൂറിലേറെ മത്സര ഇനങ്ങളും ആയിരത്തിലേറെ മത്സരാര്‍ഥികളും ഇതില്‍ മാറ്റുരക്കുന്നു. എഴുത്ത്, പ്രഭാഷണ സാംസ്‌കാരിക രംഗത്തെ മുന്‍നിര ഓരോ ഘടകത്തിലും സാഹിത്യോത്സവ് അതിഥികളായെത്തുന്നു. കലാ സാഹിത്യ വേദികളിലെ ഏറ്റവും പരിചിതരും പരിജ്ഞാനികളുമാണ് വിധികര്‍ത്താക്കളായി നിശ്ചയിക്കപ്പെടുന്നത്. എഴുത്ത്, പ്രഭാഷണം, ആലാപനം, വര, അവതരണം എന്നിങ്ങനെ ആവിഷ്‌കാരത്തിന്റെ ബഹുമുഖ തലങ്ങള്‍ക്ക് സാഹിത്യോത്സവ് അവസരം നല്‍കുന്നു. ചരിത്രത്തിന്റെ ഉള്‍താളുകളില്‍ നിന്നും വര്‍ത്തമാനത്തിന്റെ പൊള്ളുന്ന പരിസരത്തില്‍ നിന്നുമുള്ള ചര്‍ച്ചകളാണ് സാഹിത്യോത്സവുകളെ ക്രിയാത്മകമാക്കുന്നത്. മുഖ്യധാരക്കകത്തും പുറത്തും നിറഞ്ഞ് നില്‍ക്കുന്ന അനേകം പ്രതിഭകളാണ് സാഹിത്യോത്സവുകളുടെ കരുത്തും കരുതിവെപ്പും.